Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Luns 18 de Xuño de 2018
NOVAS

Fusión de Caixa Galicia e Caixa Nova. 2010

Denuncian paralise da comisión sobre a fusión das caixas

Sociedade 18/06/2018
  Envía a túa opinión

O pasado 18 de maio o Parlamento tramitou unha notificación á Presidencia da comisión de investigación sobre a fracasada fusión de Caixa Galicia e Caixanova e o posterior rescate e desaparición de Novacaixagalicia. Dende ese día, hai un mes, non se volveu mover un só papel vinculado con ese órgano parlamentario.


Culleredo. As campioas

Triplete do Maniños feminino

Sociedade 18/06/2018
  Envía a túa opinión

O Maniños feminino proclamouse onte campión provincial tras vencer na final disputada en Culleredo. Impuxéronse no cuadrangular formado ademais polo Crendes, o Galicia de Caranza e o Milagrosa. O equipo fixo triplete esta temporada, conseguindo a Liga, a copa Afaco e a Copa provincial. Tocoulle o primeiro enfrentamento co Milagrosa que as fenesas disputaron sen esforzo e que acabou co marcador 5-0 a favor das do Maniños. O Galicia de Caranza impúxose ao Crendes e polo tanto xogaron a final os equipos de Ferrolterra.


Inés Santalla. Mestra de Educación Infantil no Colexio Jorge Juan de Perlío

Cincuenta anos bailando

Sociedade 18/06/2018
  Envía a túa opinión

O Colexio Jorge Juan de Perlío cumpre cincuenta anos. Foi en 1968 cando abreu as portas este centro educativo. Polas súas aulas pasaron moitas xeneracións de cidadáns de Fene. Van conmemorar ese aniversario este venres cunha festa que comezará ás catro da tarde e incluirá o espectáculo “50 anos bailando” de Educación Infantil e Primaria, a exposición “Unha viaxe ao pasado” cedida polo Museo Pedagóxico de Galicia, unha visita guiada ás aulas e unha actuación musical do ex-alumno Rubén Mosquera e do grupo Dpunto Acoustic Rock. Todo rematará cunha festa da escuma.


Instalacións do CMI Unidade de Fene

O campamento de agosto

Sociedade 18/06/2018
  Envía a túa opinión

A Concellería de Deportes abriu hoxe o prazo de inscrición no Campamento Lúdico Deportivo dirixido a nenos e nenas de 4 a 12 anos. Celebraráse no CMI Unidade de Fene de luns a venres de 10,30 a 14 horas do 1 ó 14 de agosto e, as familias interesadas en anotar ós seus fillos e fillas, poden facelo ata o 27 de xullo no departamento municipal de Cultura e Deportes (Avda Naturais, 44 entrechán de 8,30 a 14 horas).


Galiña Azul Fene. Os artistas en acción

Tan pequenos e tan grandes

Sociedade 18/06/2018
  Envía a túa opinión

A Escola Infantil “A galiña azul” de Fene amosa o seu talento creativo na mostra “Pequenas crianzas coa arte”. Os nenos e nenas da Escola Infantil son uns auténticos artistas e, a partir de mañá martes, 19 de xuño, a veciñanza poderá comprobalo na Casa da Cultura do municipio. Alí, e ata o 29 de xuño, poderá visitarse a mostra “Pequenas Crianzas coa Arte”. Unha recopilación de cadros, esculturas e siluetas de tamaño real dos rapaces e rapazas. O horario de apertura da sala de exposicións será de 10 a 13 horas e de 16 a 20 horas de luns a venres e, os sábados, de 10 a 13 horas.


Fene. Fashion Night 2018

O comercio fenés entregouse

Sociedade 18/06/2018
  Envía a túa opinión

Foi esta que rematou unha fín de semana intensa no concello de Fene. O sabado foron os comercios os que troixeron a Fene unha actividade inusitada nas rúas e prazas, abarrotadas de xente dende as seis da tarde ata ben entrada a madrugada. A Fashion Night convírtese quizás na xornada máis festiva de todo o ano. Os comercios engalanáronse con moito gusto e a suma de todos, xunto coa hostelería, logrou unha xornada ben especial. A pregunta é se o comercio recuperou o esforzo realizado.

 

Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros