Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Martes 17 de Xullo de 2018
NOVAS

Igrexa de Barallobre. Foto de Juanma

Lembranza de Don Elías

Sociedade 17/07/2018
  Envía a túa opinión

A parroquia xa lle rendeu unha homenaxe tras o seu falecemento, o 15 de setembro de 2016. Agorá será o concello de Fene o que homenaxee a Don Elías Seoane, quen foi crego da parroquia de Barallobre durante 63 anos. Uns cantos tamén exerceu na parroquia de Perlío. Colocarase no adro da igrexa un monolito e unha praca na súa lembranza, coincidindo coa procesión do Carme da parroquia, o próximo 26 de xullo.


Abul Mogard

Primeiro concerto de Abul Mogard

Sociedade 17/07/2018
  Envía a túa opinión

Laurel Halo, Spectrum e o primeiro concerto en España de Abul Mogard, entre os nomes do segundo anuncio de WOS Festival x SON Estrela Galicia. Os oito nomes sumados ao cartel da quinta edición de WOS Festival x SON Estrela Galicia seguen definindo as liñas da súa proposta, enmarcada pola súa vontade de presentar en Santiago de Compostela e en Galicia formas artísticas ao redor da música electrónica e a exploración, e avaladas polo recoñecemento de público e prensa fóra das nosas fronteiras. O Centro Galego de Arte Contemporánea, a Cidade da Cultura, o Teatro Principal, a Fundación Eugenio Granell, a Igrexa da Universidade, o Salón Teatro, sede do Centro Dramático Galego, o Mercado de Abastos, a sede da Fundación SGAE, a Sala Capitol e a Sala Malatesta serán os dez escenarios deste festival indoor de vocación transdisciplinar e proxección europea que celebra o seu quinto ano na capital galega.


Fene. Casa do concello

Fene declara a guerra ás ratas

Sociedade 17/07/2018
  Envía a túa opinión

O Concello de Fene, a través da Concellería de Medio Ambiente, vén de contratar o servizo de desratización e desinsectación, que prestará a empresa Ecolab Hicopla. A través do mesmo, os operarios realizarán a desratización cada mes en 48 puntos da rede de alcantarillado e pluviais das zonas urbanas e levarán a cabo accións na zona rural previa comunicación. Para iso, a veciñanza poderá chamar ó Concello (departamento de Medio Ambiente) e realizar o seu aviso. A partir de aí, a empresa comprométese a darlle solución nun prazo máximo de 24 a 36 horas. Así mesmo, o servizo tamén contempla a desinsectación dos edificios públicos de propiedade municipal e centros educativos de Primaria, dúas veces ó ano e accións en caso de avisos urxentes.


Cartaz

Correr pola praia

Sociedade 16/07/2018
  Envía a túa opinión

O Concello de Valdoviño, a través da Concellería de Deportes, organiza, por cuarto ano consecutivo, a Carreira na Area da Praia da Frouxeira.Esta mañá abriuse o prazo de inscrición na actividade. Pode formalizarse no Rexistro Xeral da Casa do Concello, na Oficina Municipal de Turismo (Porta do Sol), no teléfono 626 46 55 31 ou a pé de areal o mesmo día da súa celebración unha hora antes. Terá lugar o domingo 26 de agosto, a partir das 11 horas, e a participación é completamente gratuíta. O obxectivo é fomentar o deporte en familia, polo que o percorrido é de baixa dificultade, pensado para todas as idades. Iso si, sobre area.


Daniel Hermida, Alberto García e Ricardo Borja Barro.

Salvar ao Barallobre

Sociedade 16/07/2018
  Envía a túa opinión

"Salvar á S.D. Barallobre" É a misión que ten a nova directiva do club, formada por oito xogadores e ex xogadores máis algúns colaboradores e presidida por David Seijo. A anterior directiva, pesidida por Uxío Feal Pereira, abandonou por cansancio despois de moitos anos de esforzo, e agora toca arrimar o ombreiro. O novo tesoureiro, Alberto García, está ao frente dunha comisión que esta mañá empezou a percorrer as casas e empresas da parroquia co fín de facer tantos socios como poidan. Teñen quince días para recadar como mínimo 1.500 € e saldar as débedas do club. Facerse socio ou socia supón pagar só 10€ anuais a particulares e 30€ ás empresas. Sen eses cartos non poderían competir esta tamporada.


Procesión Carme Maniños 2018

A París de Noia en Sillobre

Sociedade 16/07/2018
  Envía a túa opinión

Sillobre celebra á patrona Santa Mariña e o Carme, o mércores 18 e xoves 19 de xullo. As bombas de palenque ás 8 da mañá e as gaitas polas rúas dende as 9 despertarán a Sillobre para as festas, os dous dias. Tras a misa solemne ás 13h chegará o disparo de foguetes e morteiro da Artesanal figura do Mediodía. As pezas do primeiro día serán a cargo do Grupo Kalima 3.0. A verbena da noite acolle á París de Noia. O grupo Pasión e Marbella amenizarán o segundo día da patroa.

Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros