Boca de sapo, Pan de Raposo, Buserana -Onda Muller- e moitos colaboradores de Radio Neria e das Emisoras Municipais Galegas participaron no espazo. Tamén interveu Alexandre Nerium do Museo da Pesca de Fisterra, facendo fincapé na necesidade de eliminar o verquido de plásticos ao mar. "Agora hai moito menos longueirón que antes" queixouse o guía e poeta. "Hai que seleccionar contidos nas redes sociais" advertiron Patricia, Antía e Valeria, tres das participantes nunha tertulia sobre redes sociais, na que se confesaron usuarias de Tiktok, Instagram e X. Falaron tamén de feminismo desde unha perspectiva adolescente. 

Despois deste programa de radio en directo e con público, Onda Ods continuará coa elaboración e emisión de podcasts e programas radiofónicos, ademáis da divulgación de retos individuais que se elaborarán nas propias localidades.   

Máis de 240 medios locais participan en Onda Ods. Empeza por ti, unha iniciativa das Emisoras Municipais Galegas, Emisoras Municipales de Andalucía, RTV Cardedeu La Xarxa e a Rede de Medios Comunitarios. Conta coa axuda do Ministerio de Dereitos Sociais e Axenda 2030.