Logo do éxito de Desexando amar na carteleira dos Duplex Cinema, estreado cun novo master en 4K polo seu 20 aniversario, chegan a DUPLEX Cinema seis títulos máis do reputado realizador hongkonés. Todos eles restaurados baixo a supervisión do seu director. Poderán verse en pases únicos os mércores ás 20:30 entre o 20 de xaneiro e o 24 de febreiro en versión orixinal subtitulada en español. As entradas xa están á venda.

A distribuidora Avalon adquiriu para España sete destes títulos, que presenta nun ciclo titulado "Universo Wong Kar-Wai" . Logo da calorosa acollida que recibiu "Desexando amar" en DUPLEX Cinema, programamos agora os seus títulos restantes, cada mércores desde o 20 de xaneiro ao 24 de febreiro. Os títulos son:

“As Tears go by” 20 xaneiro.

“Days of Being Wild” 27 xaneiro.

“Chungking Express”3 febreiro.

“ Fallen Angels” 10 febreiro

“ Happy Together” 17 febreiro

“ 2046”  24 febreiro

"As Tears Go By" (Cannes 1989 Quincena dos realizadores). Segundo a crítica, anuncia a presenza dunha xenuína nova vaga de Hong Kong, así como a dun ambicioso cineasta. Dous irmáns están introducidos no mundo das mafias chinesas. Un, o irmán menor, é incapaz de evitar os liortas polo seu impetuoso temperamento. Pola súa banda, o irmán maior, ao namorar, decide abandonar o escuro entorno no que se move, mais antes terá que volver axudar o seu irmán pequeno...

(Imaxe do director protagonista do ciclo dos Duyplex)