Os piratas difundiron días despois unha foto na que se vía os reféns cercados por homes armados. Despois da operación, na que foron capturados 61 piratas, a mariña india confirmou a fin do secuestro de trece dos tripulantes e comunicou que outros se atopaban "desaparecidos". A bordo do barco viaxaban 19 moçambicanos e tres indonesios. En particular, O "Vega 5", usado como buque nodriza para outros ataques, foi secuestrado fronte ás costas de Mozambique, o 28 de decembro. Aquel día, a tripulación foi obrigada a dirixir o barco cara ao norte, unha viaxe de sete días ata a súa chegada á costa de Somalia, o pasado 4 de xaneiro. Foi ancorado no porto de Haradheere, que os piratas somalís utilizan como base regular durante o período que dura a negociación de rescate.
Discreción
A ministra de Asuntos Exteriores e Cooperación, Trinidad Jiménez, anunciou tras a liberación do buque que os dous galegos se atopaban ben e que o executivo xestionaba esta crise con discreción.
 Dende o principio, tanto o Goberno como a empresa e as familias dos galegos, naturais de Pontevedra e Muros (A Coruña), gardaron silencio sobre as negociacións, co fin de non prexudicalas.